sabab to kuchh bhi nahin aur udas rahta hai
ye kaisa dard hai jo dil ke pas rahta hai
mujhe pata nahin us ka magar ye sunta hun
wo in dinon mere ghar ke hi pas rahta hai
meri kitab ke auraq sab tumhaare hain
jahan se dekho tera iqtibas rahta hai
main kaTta hun har ek lamha karbala ki tarah
labon pe pyas to dil mein hiras rahta hai
main kal talak jise ek aankh bhi ye bhata tha
usi ke dil mein mera ab niwas rahta hai
'nasim' nam ke us aadmi se milna tum
na jaane har ghaDi kyun bad-hawas rahta hai
Ghazal
Sabab to kuchh bhi nahin aur udas rahta hai
Naseem Ahmad Naseem