saneha nahin Talta sanehe pe rone se
habs-e-jaan na kam hoga be-libas hone se
ab to mera dushman bhi meri tarah rota hai
kuchh gile to kam honge sath sath rone se
matan-e-zist to sara be-numud lagta hai
dard-e-be-nihayat ka hashiya na hone se
sachche sher ka khaliyan aur bharta jata hai
dard ki zaminon mein gham ki fasl baune se
hadsat-e-paiham ka ye maal hai shayad
kuchh sukun milta hai ab sukun khone se
kis hunar se yaron ne dastan raqam kar li
mere KHun-e-dil mein hi ungliyan Dubone se
Ghazal
Saneha nahin Talta sanehe pe rone se
Pirzada Qasim