ruKH-e-raushan pe safa loT gai
zulf par kali bala loT gai
sun ke gulshan mein mere nala-o-ah
bulbul-e-naghma-sara loT gai
us but-e-mast pe mai-KHane mein
duKHtar-e-raz ba-KHuda loT gai
hum na marte us ada par lekin
panw par aa ke qaza loT gai
tang hun apni tabiat se main
jo hasin is ko mila loT gai
ai 'saKHi' KHub ghazal tu ne kahi
sun ke tab-e-shoara loT gai
Ghazal
RuKH-e-raushan pe safa loT gai
Sakhi Lakhnvi