ret hai izhaar ke pani ke par
aur virani hai virani ke par
maut ki tashkil se ubhra hua
kaun hai meri farawani ke par
aa na pai mujh talak ye kaenat
rah gai sanson ki tughyani ke par
phail kar tujh mein na bas jaun kahin
rang mujh ko rang-e-imkani ke par
kaun phuTega adam ki kokh se
kaun la-fani hai la-fani ke par
chhoD ab mafhum ki ujDi qaba
kuchh nahin mani ki uryani ke par
Ghazal
Ret hai izhaar ke pani ke par
Riyaz Latif