raushni hone lagi hai mujh mein
koi shai TuT rahi hai mujh mein
mere chehre se ayan kuchh bhi nahin
ye kami hai to kami hai mujh mein
baat ye hai ki bayan kaise karun
ek aurat bhi chhupi hai mujh mein
ab kisi hath mein patthar bhi nahin
aur ek neki bachi hai mujh mein
bhige lafzon ki zarurat kya thi
aisi kya aag lagi hai mujh mein
Ghazal
Raushni hone lagi hai mujh mein
Rauf Raza