rasm-e-sajda bhi uTha di hum ne
azmat-e-ishq baDha di hum ne
jab koi taza shagufa phuTa
ki gulistan mein munadi hum ne
jab chaman mein na kahin chain mila
bab-e-zindan pe sada di hum ne
aanch sayyaad ke ghar tak pahunchi
itni shoalon ko hawa di hum ne
KHun-e-dil se dar-e-mai-KHana par
teri taswir bana di hum ne
dil ko aane laga basne ka KHayal
aag jab ghar ko laga di hum ne
Ghazal
Rasm-e-sajda bhi uTha di humne
Baqi Siddiqui