rashk apnon ko yahi hai hum ne jo chaha mila
bas hamin waqif hain kya manga KHuda se kya mila
jis zamin pe mera ghar tha kya mahal uTTha wahan
main jo lauTa hun to KHak-e-dar na ham-saya mila
dekhiye kab tak mile insan ko rah-e-najat
lakh barson mein to viran chand ka rasta mila
har safar ek aarzu hai warna sair-e-dasht mein
kis ko shahzadi mili hai kis ko shahzada mila
sab purane dagh dil hi mein rahe aaKHir 'naim'
har nae dukh mein na pichhle dukh se chhuTkara mila
Ghazal
Rashk apnon ko yahi hai humne jo chaha mila
Hasan Nayeem