rang se rasta surat se pata leta hun
aur bichhDe hue ek ishq ko ja leta hun
ab to ye tujh se bhi bawar nahin hone wala
mera qissa hai so KHud ko hi suna leta hun
ek ziyarat ke siwa yar ki qurbat ke siwa
aur ai arz-o-sama tum se main kya leta hun
ritl-e-ishq apni taraf se to uThaya hua hai
la ise teri taraf se bhi uTha leta hun
Ghazal
Rang se rasta surat se pata leta hun
Syed Kashif Raza