rang-e-sanam-kada jo zara yaad aa gaya
TuTin wo bijliyan ki KHuda yaad aa gaya
har-chand dil ko tark-e-mohabbat ka tha KHayal
lekin kisi ka ahd-e-wafa yaad aa gaya
jaise kisi ne chhin li rangini-e-bahaar
kya jaaniye bahaar mein kya yaad aa gaya
rahmat nazar bacha ke nikalne ko thi magar
wo irtiash-e-dast-e-dua yaad aa gaya
allah re sitam ki unhen mujh ko dekh kar
sab kuchh mohabbaton ke siwa yaad aa gaya
Ghazal
Rang-e-sanam-kada jo zara yaad aa gaya
Shakeel Badayuni