rakhta nahin hai dasht sarokar aab se
bahlae jate hain yahan pyase sarab se
din mein bhi ghar ujale se mahrum hai to hai
kirnon ka kya sawal karun aaftab se
bilkul durust hote hue fail ho gaya
main ne jawab naql kiya tha kitab se
wo sal ho ki mah ho din ho ki ho ghaDi
baqi nahin bachunga kisi ke hisab se
har shai par ek uchaTti nazar Dalta chalun
be-kar hoga mera utarna rikab se
tarmim hazf aur izafe ke sath sath
ye kulliyat pur hai mere intiKHab se
Ghazal
Rakhta nahin hai dasht sarokar aab se
Ghulam Murtaza Rahi