raat kya soch raha tha main bhi
apne aalam ka KHuda tha main bhi
wo bhi kuchh KHud se alag tha jaise
apne sae se juda tha main bhi
wo bhi tha ek waraq sada kitab
harf-e-be-saut-o-sada tha main bhi
surat-e-shaKH-e-samar-dar tha wo
surat-e-dast-e-saba tha main bhi
wo bhi ek halqa-e-girdab mein tha
aur bas Dub chala tha main bhi
phul khilne ka ajab mausam tha
aaina dekh raha tha main bhi
Ghazal
Raat kya soch raha tha main bhi
Rasa Chughtai