raat guzri na kam sitare hue
munkashif hum pe hijr sare hue
naw do-laKHt ho gai ek din
do musafir the do kinare hue
phul daldal mein khil raha hai yahan
hum hain ek jism par utare hue
jaane kis waqt nind aai hamein
jaane kis waqt hum tumhaare hue
muddaton baad kaam aae hain
chand lamhe kahin guzare hue
apni chhat par udas baiThe hain
hum parindon ka rup dhaare hue
Ghazal
Raat guzri na kam sitare hue
Zulfiqar Aadil