qaza ne haal-e-gul jab safha-e-taqdir par likkha
meri diwangi ka majra zanjir par likkha
zaifi se nahin pairon ke chin peshani-o-ru par
ye KHatt-e-na-umidi hai ki ru-e-pir par likkha
nahin tujh se hamein dawa-e-KHun gar shama ne qatil
ab apne KHun ka mahzar gardan-e-gul-gir par likkha
ye sab mazmun hai shirin kohkan ki ru-sapedi ka
jahan tak mauj ne satron ko ju-e-shir par likkha
'baqa' ke dil mein aa aaina teri qadr kya jaane
abas hai naqsh-e-gul gar bulbul-e-taswir par likkha
Ghazal
Qaza ne haal-e-gul jab safha-e-taqdir par likkha
Baqaullah u0027Baqau0027