qayam umr-e-rawan ka musafirana hai
jahan mein rahte hain jab tak ki aab-o-dana hai
abas ghurur hai taufiq-e-KHair par zahid
ye us ki rahmat-o-baKHshish ka ek bahana hai
mujhe riyazat-o-taat par e'timad nahin
sar-e-niyaz mera tera aastana hai
fana hi ka hai baqa nam dusra 'anjum'
nafas ki aamad-o-shud maut ka tarana hai
Ghazal
Qayam umr-e-rawan ka musafirana hai
Mahaveer Parshad Anjum