qaid se pahle bhi aazadi meri KHatre mein thi
aashiyana hi mera surat-numa-e-dam tha
wahima KHallaq aur aazadi husn-afza surur
har fareb-rang ka pahle gulistan nam tha
zoaf aahon par bhi ghaalib ho chala tha ai ajal
tu na aati to ye mera aaKHiri paigham tha
dida-e-KHun-naba-afshan mera un ke samne
be-KHudi ke hath se chhuTa hua ek jam tha
Ghazal
Qaid se pahle bhi aazadi meri KHatre mein thi
Aasi uldani