qaba-e-gard hun aata hai ye KHayal mujhe
chale hawa to kahun kis se main sambhaal mujhe
sukut-e-marg ke gumbad mein ek sada ban ke
kabhi hisar-e-gham-e-zist se nikal mujhe
koi bhi rah ka patthar nazar nahin aata
main dekhta hun use hairat-e-sawal mujhe
mere wajud mein ek karb ban ke bikhra hai
ye mera dil ki hua bais-e-wabaal mujhe
hun zer-e-sang rawan aab ki tarah 'hamid'
numud dega meri fikr ka ubaal mujhe
Ghazal
Qaba-e-gard hun aata hai ye KHayal mujhe
Hamid Jeelani