Piya ke nayan mein bahut chhand hai

piya ke nayan mein bahut chhand hai
o wu zulf mein jiw ka aanand hai

sajan yun miThai sun bole bachan
ki us KHush bachan mein lazat qand hai

mohan ke o do gal tashbih mein
suraj ek duja so jun chand hai

nawal mukh suhe husn ka phulban
nayan mrig hor zulf us phand hai

u kiswat the jiw bas mahke sada
tu u bas nariyan ka dil-band hai

piya kun bula liyae hun ap mandir
dutan man mein us the haman dand hai

nabi sadqe 'qubta' kun ap sej lyai
to chaundhar KHushyan hor aanand hai