pi chuke the zahr-e-gham KHasta-jaan paDe the hum chain tha
phir kisi tamanna ne sanp ki tarah hum ko Das liya
mere ghar tak aate hi kyun juda hui tujh se kuchh bata
ek aur aahaT bhi sath sath thi tere, ai saba
sar mein jo bhi tha sauda uD gaya KHalaon mein misl-e-gard
hum paDe hain raste mein nim-jaan shikasta-dil KHasta-pa
sab khaDe the aangan mein aur mujh ko takte the, bar bar
ghar se jab main nikla tha mujh ko rokne wala kaun tha
josh ghaTta jata tha TuTte se jate the hausle
aur samne 'bani' dauDta sa jata tha rasta
Ghazal
Pi chuke the zahr-e-gham KHasta-jaan paDe the hum chain tha
Rajinder Manchanda Bani