pighalti shama se main KHud ko be-KHabar kar lun
ghazal ko fikr ki hiddat se mo'atabar kar lun
safar tawil hai lekin yun muKHtasar kar lun
main apni duri-e-manzil ko ham-safar kar lun
fusun-e-shab ko nigahon se muttasil kar ke
hudud-e-KHwab ko wabasta-e-sahar kar lun
falak pe chand sitare hasad se jalte hain
main apni quwwat-e-parwaz muKHtasar kar lun
Ghazal
Pighalti shama se main KHud ko be-KHabar kar lun
Khawar Naqeeb