Phir tera intizar dekhenge

phir tera intizar dekhenge
dil ko phir be-qarar dekhenge

phul khilne se pahle aa jao
aaj mil kar bahaar dekhenge

kaise chupke se lauT aata hai
mausamon par KHumar dekhenge

tujh ko rakh kar nigah mein apni
aaj apna singar dekhenge

ruTh jaenge man jaenge
naz kar ke hazar dekhenge

chahaton ke kawach pahan lenge
phir zamane ke war dekhenge

guftugu se KHalal na aa jae
aaj bas tujh ko yar dekhenge