phir mere sar pe kaDi dhup ki bauchhaar giri
main jahan ja ke chhupa tha wahin diwar giri
log qiston mein mujhe qatl karenge shayad
sab se pahle meri aawaz pe talwar giri
aur kuchh der meri aas na TuTi hoti
aaKHiri mauj thi jab hath se patwar giri
agle waqton mein sunenge dar-o-diwar mujhe
meri har chiKH mere ahd ke us par giri
KHud ko ab gard ke tufan se bachao 'qaisar'
tum bahut KHush the ki ham-sae ki diwar giri
Ghazal
Phir mere sar pe kaDi dhup ki bauchhaar giri
Qaisar-ul-Jafri