phir harif-e-bahaar ho baiThe
jaane kis kis ko aaj ro baiThe
thi magar itni raegan bhi na thi
aaj kuchh zindagi se kho baiThe
tere dar tak pahunch ke lauT aae
ishq ki aabru Dubo baiThe
sari duniya se dur ho jae
jo zara tere pas ho baiThe
na gai teri be-ruKHi na gai
hum teri aarzu bhi kho baiThe
'faiz' hota rahe jo hona hai
sher likhte raha karo baiThe
Ghazal
Phir harif-e-bahaar ho baiThe
Faiz Ahmad Faiz