pech bhaya mujh ko tujh dastar ka
band hai dil turra-e-zartar ka
ji phansa hai ja ke us zulfon ke bich
dil shahid us nargis-e-bimar ka
pech mein hun tere Dhile pech sun
mahw hun is chira-e-zartar ka
tujh ko hai hum se judai aarzu
mere dil mein shauq hai didar ka
kyun na bandhe dil ko 'faez' zulf sun
shauq hai kafir ke tin zunnar ka
Ghazal
Pech bhaya mujhko tujh dastar ka
Sadruddin Mohammad Faez