parbaton ke peDon par sham ka basera hai
surmai ujala hai champai andhera hai
donon waqt milte hain do dilon ki surat se
aasman ne KHush ho kar rang sa bikhera hai
Thahre Thahre pani mein git sarsaraate hain
bhige bhige jhonkon mein KHushbuon ka Dera hai
kyun na jazb ho jaen is hasin nazare mein
raushni ka jhurmuT hai mastiyon ka ghera hai
Ghazal
Parbaton ke peDon par sham ka basera hai
Sahir Ludhianvi