pahlu mein dard-e-ishq ki duniya liye hue
baiTha hun zindagi ka sahaara liye hue
dil hai tajalli-e-ruKH-e-zeba liye hue
aaghosh mein hai chand ko dariya liye hue
pahunche to dil mein josh-e-tamanna liye hue
lauTe magar luTi hui duniya liye hue
main ji raha hun gham-kada-e-rozgar mein
teri mohabbaton ka sahaara liye hue
uThta hun bazm-e-husn se laghzish-ba-pa 'shakil'
bahki si ek nazar ka sahaara liye hue
Ghazal
Pahlu mein dard-e-ishq ki duniya liye hue
Shakeel Badayuni