pahle to majburi paida hoti hai
phir rishton mein duri paida hoti hai
gham se akasr dil murda ho jate hain
chehre pe be-nuri paida hoti hai
wahshat se insan mein shiddat baDhti hai
aahu mein kasturi paida hoti hai
meri kawish us ko pura karti hai
warna ghazal adhuri paida hoti hai
aql ki har dam sunne se 'mearaj'-miyan
jazbon mein mazuri paida hoti hai
Ghazal
Pahle to majburi paida hoti hai
Meraj Naqvi