paDe hain zaKHm-KHurda mehrbani mangne wale
bahut nadim hain us se zindagani mangne wale
yahan to sab ki KHwahish ek si hai roTiyan, sikke
mere yug mein nahin KHwab-e-jawani mangne wale
koi taKHliq ho KHun-e-jigar se janm leti hai
kahani likh nahin sakte kahani mangne wale
lagaen jo saron ki baziyan ye kaam un ka hai
imamat kya karenge jhuk ke pani mangne wale
Ghazal
PaDe hain zaKHm-KHurda mehrbani mangne wale
Manzar Bhopali