panw mein KHushbu ke zanjir banai jae
aaj socha teri taswir banai jae
apni marzi se chale aaen diwane sare
ho kashish jis mein wo zanjir banai jae
bin kahe baat samajh le tu meri main teri
chal mohabbat mein wo tasir banai jae
qafile pyas ke guzrenge isi raste se
sahra mein pani ki tahrir banai jae
KHwab to dekh liye tu ne bahut se 'jyoti'
waqt aaya hai ki tabir banai jae
Ghazal
Panw mein KHushbu ke zanjir banai jae
Jyoti Azad Khatri