pai hamesha ret bhanwar kaTne ke baad
tishna-labi ka lamba safar kaTne ke baad
kuchh aise kam-nazar bhi musafir hamein mile
jo saya DhunDte hain shajar kaTne ke baad
fan ki hamare aaj bhi shohrat hai har taraf
wo mutmain tha dast-e-hunar kaTne ke baad
utri hui hai dhup badan ke hisar mein
qurbat ke faslon ka safar kaTne ke baad
shewa to zabt ka hai magar kya karun 'zafar'
baDhti hai pyas aur bhi sar kaTne ke baad
Ghazal
Pai hamesha ret bhanwar kaTne ke baad
zafar iqbal zafar