nuqsan kya bataen hamara kiya bahut
is karobar-e-dil ne KHasara kiya bahut
chaaron taraf the phul shafaq ke khile hue
jis sham aasman ka nazara kiya bahut
ab kya karun ki shor mein aawaz dab gai
main us ko shahr-e-jaan mein pukara kiya bahut
shabnam se pyas tu ne yaqinan bujhai hai
main ne bhi aansuon pe guzara kiya bahut
Ghazal
Nuqsan kya bataen hamara kiya bahut
Obaid Siddiqi