nikal zat se bahar nikal tanhai
kamal jab hai ki sheron mein Dal tanhai
azab-e-jaan bhi jahan mein nahin koi aisa
rafiq bhi hai baDi be-misal tanhai
tamam zindagi do waqiat mein yun hai
uruj us ki rifaqat zawal tanhai
koi bhi waqt ho tera hi zikr karti hai
kabhi to puchhe hamara bhi haal tanhai
agarche shahr mein bikhri hai ja-ba-ja phir bhi
'shujaa' apne liye ghar mein pal tanhai
Ghazal
Nikal zat se bahar nikal tanhai
Shuja Khaavar