nind mein gunguna raha hun main
KHwab ki dhun bana raha hun main
ek muddat se bagh duniya ka
apne dil mein laga raha hun main
kya bataun tumhein wo shahr tha kya
jis ki aab o hawa raha hun main
ab tujhe mera nam yaad nahin
jab ki tera pata raha hun main
aaj kal to kisi sada ki tarah
apne andar se aa raha hun main
aisa murda tha main ki jine ke
KHauf mein mubtala raha hun main
Ghazal
Nind mein gunguna raha hun main
Akbar Masoom