nigahen dar pe lagi hain udas baiThe hain
kisi ke aane ki hum le ke aas baiThe hain
nazar uTha ke koi hum ko dekhta bhi nahin
agarche bazm mein sab ru-shanas baiThe hain
ilahi kya meri ruKHsat ka waqt aa pahuncha
ye chaarasaz mere kyun udas baiThe hain
ilahi kyun tan-e-murda mein jaan nahin aati
wo be-naqab hain turbat ke pas baiThe hain
Ghazal
Nigahen dar pe lagi hain udas baiThe hain
Sufi Tabassum