nazar-nawaz nazaron ki yaad aati hai
shikasta dil ke sahaaron ki yaad aati hai
kabhi nigah-e-mohabbat ne jis ko chheDa tha
ab un rabab ke taron ki yaad aati hai
nigah paDti hai jab bhi kisi shagufe par
tumhaare sath bahaaron ki yaad aati hai
jo mil ke chhuT gae zindagi ki rahon mein
ab un hasin sahaaron ki yaad aati hai
machalti aarzuon ke jilau mein ai 'shaukat'
sulagti rah-guzaron ki yaad aati hai
Ghazal
Nazar-nawaz nazaron ki yaad aati hai
Shaukat Pardesi