Nazar mila ke nazar se gira diya tumne

nazar mila ke nazar se gira diya tum ne
mujhe batao KHudara ye kya kya tum ne

mujhi pe war kiya aur mujhi ko bhul gae
meri wafa ka ye achchha sila diya tum ne

na apne tarz-e-sitam par nigah ki tum ne
hamari baat ko itna baDha diya tum ne

tum aa ke kya mutabassim hue lahad par meri
charagh-e-gor-e-ghariban jala diya tum ne

hamein to hosh nahin tum ko ilm hoga zarur
ki kis qusur pe dil se bhula diya tum ne

kisi ke jaur ka 'tasnim' ye fasana hai
ki jis ko nazm bana kar suna diya tum ne