nasim-e-subh-e-bahaar aae dil-e-hazin ko qarar aae
kali kali le ke munh-andhere sabahat-e-ru-e-yar aae
udas raaton ki tirgi mein na koi tara na koi jugnu
kisi ka naqsh-e-qadam hi chamke to nur ka e'tibar aae
ye shoala-samani-e-takallum ye aaina-KHana-e-tabassum
jigar se jaise dhuan sa uTThe nazar ko jaise KHumar aae
usi ki KHatir KHizan-zada dil ne jama-e-chaak apna badla
ki jashn-e-jamhur inqilab-e-chaman ka aaina-dar aae
Ghazal
Nasim-e-subh-e-bahaar aae dil-e-hazin ko qarar aae
Hanif Fauq