nadi ka aab diya hai to kuchh bahaw bhi de
meri ghazal ko naya-pan bhi de rachaw bhi de
chala ke sard hawa mujh ko munjamid bhi kar
pighal ke phailna chahun to ek alaw bhi de
ki jis ke dard ka ehsas tere jaisa ho
kabhi kabhi meri fitrat ko aisa ghaw bhi de
azab-e-sail-e-musalsal jo de raha hai mujhe
to sath-e-ab pe chalne ko ek naw bhi de
musafirat ke kai marhale tamam hue
ki meri KHana-badoshi ko ab paDaw bhi de
Ghazal
Nadi ka aab diya hai to kuchh bahaw bhi de
Shakeel Azmi