na puchh dekh ke kitna malal hota hai
jo KHwab dekhne walon ka haal hota hai
labon pe mohr-e-KHamoshi lagai jati hai
aur is ke baad hamin se sawal hota hai
jab aai sham-s-masafat to phir ye raaz khula
zara si der uruj o zawal hota hai
har ek shaKHs ki apni hi ek duniya hai
kahan kisi ko kisi ka KHayal hota hai
har ek auj-e-mohabbat pe aa nahin sakta
kisi kisi mein hi aisa kamal hota hai
ruki hui hun ek aaise sawal par 'shabnam'
jawab jis ka hamesha muhaal hota hai
Ghazal
Na puchh dekh ke kitna malal hota hai
Shabnam Shakeel