na mulla hun na mufti hun na waiz hun na qazi hun
gunahgar o KHata-kar o raza-e-haq pe raazi hun
jahan se hun yahan aaya wahan jaunga aaKHir ko
mera ye haal hai yaro na mustaqbil na mazi hun
main hun nadan dur-uftada danai ke diwan se
na sani hun sahabi ka na ham-bazm-e-bayazi hun
pareshan dil hun main tanhai se 'matam' zamane mein
na ham-dauran-e-faizi hun na ham-asr-e-fayazi hun
Ghazal
Na mulla hun na mufti hun na waiz hun na qazi hun
Maatam Fazl Mohammad