na koi din hota hai na koi zat hoti hai
mohabbat karne walon ki nirali baat hoti hai
bisat-e-zist par hum chaal chalte hain qarine se
zara si chuk ho jae to bazi mat hoti hai
hiqarat ki nazar se dekhte hain log mahfil mein
gharibon ki bhala duniya mein kya auqat hoti hai
buzurgon ki duaen hain jo sar jhukne nahin detin
KHushi aur gham wagarna kis ke bas ki baat hoti hai
aur un se ye muamma aaj tak hal ho nahin paya
ki din aata hai pahle ya ki pahle raat hoti hai
kisi ne sach kaha hai ek tamasha-gah hai duniya
khilaunon ki magar chabi KHuda ke hat hoti hai
KHizan ka daur ho ya wo bahaaron ka zamana ho
koi mausam ho ai 'gulshan' hamari baat hoti hai
Ghazal
Na koi din hota hai na koi zat hoti hai
Gulshan Barelvi