na jaane kab se barabar meri talash mein hai
ye kaun KHud mere andar meri talash mein hai
wo mujh mein aur kisi ko talash karta hai
jo mere pas bhi rah kar meri talash mein hai
gila tha jis ko ki main us ka aaina na bani
ab apne sae se thak kar meri talash mein hai
ubal paDun na main ek din kahin kinaron se
zamin hun main samundar meri talash mein hai
Ghazal
Na jaane kab se barabar meri talash mein hai
Aziz Bano Darab Wafa