اردو हिंदी
Musahibat ka koi silsila nahin hai kya | Shaahi Shayari
musahibat ka koi silsila nahin hai kya

Ghazal

Musahibat ka koi silsila nahin hai kya

Rashid Anwar Rashid

;

musahibat ka koi silsila nahin hai kya
kisi bhi shaKHs se ab rabta nahin hai kya

hazar logon se puchha sabhi hain na-waqif
yahan bhi tujh ko koi jaanta nahin hai kya

tamam rishte faramosh kar diye tu ne
talluqat se ab faeda nahin hai kya

amir-e-shahr se hai maslahat baja lekin
hai baat sach to kaho hausla nahin hai kya

zaban main ne jo kholi to sab hain shashdar kyun
tere KHilaf koi bolta nahin hai kya

muamalat mein sab taq par rakhenge usul
KHuda ke bande tujhe kuchh pata nahin hai kya