muntashir ho kar rahe ye aisa shiraaza na tha
KHak ho jaana mere hone ka KHamyaza na tha
main butun-e-zat mein aur tu KHala mein gum raha
KHak ke jauhar ka hum donon ko andaza na tha
aab-pashi se rahe ghafil shajar-kari ke baad
ab jo dekha ek pauda bhi tar-o-taza na tha
hum mein jo aazad tha aazad-tar ho kar raha
ab wahi be-ghar hai jis ke ghar ka darwaza na tha
jabr ke ehsas ki aawaz to pahle bhi thi
inqalab-e-qismat-e-adam ka aawaza na tha
Ghazal
Muntashir ho kar rahe ye aisa shiraaza na tha
Gulzar Vafa Chaudari