mujhe to qatra hi hona bahut satata hai
isi liye to samundar pe rahm aata hai
wo is tarah bhi meri ahmiyat ghaTata hai
ki mujh se milne mein sharten bahut lagata hai
bichhaDte waqt kisi aankh mein jo aata hai
tamam umr wo aansu bahut rulata hai
kahan pahunch gai duniya use pata hi nahin
jo ab bhi mazi ke qisse sunae jata hai
uThae jaen jahan hath aise jalse mein
wahi bura jo koi masala uThata hai
na koi ohda na degree na nam ki taKHti
main rah raha hun yahan mera ghar batata hai
samajh raha ho kahin KHud ko meri kamzori
to us se kah do mujhe bhulna bhi aata hai
Ghazal
Mujhe to qatra hi hona bahut satata hai
Waseem Barelvi