mujhe taslim be-chun-o-chura tu haq-ba-jaanib tha
mere anfas par lekin ajab pindar ghaalib tha
wagarna jo hua us se siwae ranj kya hasil
magar han maslahat ki rau se dekhen to munasib tha
main tere baad jis se bhi mila tikha rakha lahja
ki is be-laus chahat ke ewaz itna to wajib tha
main kuchh puchhun bhi to akasr jawaban kuchh nahin kahta
guzishta ek arse se jo bas mujh se muKHatib tha
main umr-e-rafta ki bazi se itna hi samajhta hun
shikast o fath do harf-e-izafi khel jalib tha
Ghazal
Mujhe taslim be-chun-o-chura tu haq-ba-jaanib tha
Shahram Sarmadi