mujh se bezar girne wali thi
sar se dastar girne wali thi
us ne taswir Tank di apni
warna diwar girne wali thi
meri baisakhiyon ne aah bhari
jab wo na-chaar girne wali thi
kitni KHush thi wo jast bharti hui
jaise us par girne wali thi
khai thi koi KHwab thoDi tha
aankh be-kar girne wali thi
KHun fateh qarar paya tha
gham se talwar girne wali thi
bhagte bhagte mere hamrah
meri raftar girne wali thi
ek Dhongi ki mehrbani hai
warna sarkar girne wali thi
Ghazal
Mujhse bezar girne wali thi
Sarfraz Arish