mujh ko manzur hai marne pe subuk-bari ho
aur ahbab ko hai fikr kafan bhaari ho
zindagi mein na mila zaKHm-e-jigar ko marham
KHair chadar hi meri qabr ki zangari ho
yaad hai roz-e-azal dil jo garan hai kya gham
main ne KHud kah ke liya tha ki zara bhaari ho
aatish-e-husn jawanan-e-chaman bhaDka de
jo gul-e-surKH ki patti ho wo chingari ho
teri rahmat ke sahaare pe gina karta hun
tark kar dun agar is mein bhi gunah-gari ho
mujh siyahkar ki hai mohr to uThti nahin mehr
mere allah na itni bhi giran-bari ho
aaj-kal pas hai phir naqd-e-dil-e-zar 'rashid'
phir kisi ghairat-e-yusuf ki KHaridari ho
Ghazal
Mujhko manzur hai marne pe subuk-bari ho
Rasheed lakhnavi