muddaa hasil mera ho kar raha
dard-e-dil dil ki dawa ho kar raha
hausla hi aasra ho kar raha
koi dar ho hum ko wa ho kar raha
ras hum ko aa gae sare alam
umr ka tai marhala ho kar raha
lal ugal kar aag ugla hai sada
lala-ru kis ka saga ho kar raha
wasl-e-hamdam se rahe mahrum hum
likkha talea ka sada ho kar raha
sadme har lamha sahe had se siwa
dil ka har ghaw hara ho kar raha
'hilm' hum ko kha gai dil ki lagi
halka halka dard sa ho kar raha
Ghazal
Muddaa hasil mera ho kar raha
Waqar Hilm Syed Naglavi