mohabbaton mein wafa ka hisab dega kaun
andheri shab ke liye aaftab dega kaun
tum apni nind se jago to ek sawal karen
ki rat-jagon ka hamare hisab dega kaun
agar rahega yahi haal be-niyazi ka
tumhaare hath mein dil ki kitab dega kaun
thaki thaki si nazar ko kahan mayassar tum
KHizan ke daur mein khilta gulab dega kaun
dil-o-nazar mein khaTakte hain roz-o-shab 'mina'
kai sawal ki jin ka jawab dega kaun
Ghazal
Mohabbaton mein wafa ka hisab dega kaun
Meena Naqvi