mohabbat kar ke sharminda nahin hun
main is duniya ka bashinda nahin hun
hisab-e-dil-baran mujh se na mango
main ek shair hun karinda nahin hun
main ek aazad-o-KHud-raushan sitara
kisi suraj se tabinda nahin hun
tilism-e-gham se patthar ho gaya hun
main zinda hun magar zinda nahin hun
ye mera ahd mujh mein ji raha hai
main bas apna numainda nahin hun
Ghazal
Mohabbat kar ke sharminda nahin hun
Asghar Mehdi Hosh